Shpesh denoncimet e qytetarëve të grabitur në linjat e urbanëve në kryeqytet, mbesin pa autorë, pasi në të shumtën e rasteve hajdutët janë aq profesionistë sa arrijnë të grabisin në momentet e fundit kur zbresin në stacion dhe kur qytetari e kupton, është shumë vonë, ai ka ikur.
Të tilla kanë qenë rastet e fundit të denoncuara, kur urbanët edhe kanë mbyllur dyert në pritje të policisë për të kapur hajdutët, e kur qytetarët janë kontrolluar tek për tek nga efektivët për të gjetur sendet e vjedhura, por më kot, autorët kanë ikur nga sytë këmbët.
Por jo, dje efektivët e Komisariatit numër 1 në kryeqytet kanë arritur të vënë në pranga një person, pasi në linjën e urbanit të Tiranës së Re, i kishte grabitur celularin një vajze të re.
Njoftimi i policisë:
Më datë 10.02.2016, u arrestua në flagrancë shtetasi Bilbil Hasani, vjeç 39, banues në Bathore, pasi dyshohet se rreth orës 07:40, në autobusin e linjës Tirana e Re, i ka vjedhur telefonin shtetasit E.D., vjeç 23, banues në Tiranë. Neni 134 i Kodit Penal.
NDIQE LIVE "PANORAMA TV" © Panorama.al