Në këto zgjedhje parlamentare, kanë të drejtë vote ne total 2800 te dënuar dhe paraburgosur nga të gjitha burgjet e vendit.
Gazetarja Klodiana Lala bën me dije se 1400 të dënuar janë përjashtuar nga e drejta e votës për shkak të ligjit të dekriminalizimit.
Sot u drejtohen kutive të votimit 3.7 milionë shqiptarë, të cilët do të zgjedhin 140 përfaqësuesit e tyre në parlament. Procesi i votimit nisi në orën 07:00 dhe pritet të përfundojë në orën 19:00.
Risi në këto zgjedhje parlamentare është vota e diasporës, ku për të zgjedhur për Parlamentin e ri janë regjistruar 245.935 emigrantë shqiptarë.
Në garë për të siguruar shumicën e 140 ulëseve në Kuvendin e ri, janë 11 subjekte apo koalicione politike, kandidatët e të cilëve janë vendosur në lista të hapura dhe të mbyllura.
- Çdo subjekt garon me 186 kandidatë në listën e votimit të KQZ-së, ku 46 janë nga lista e mbyllur.
- Koalicioni Partia Demokratike–Aleanca për Shqipërinë Madhështore i drejtuar nga Sali Berisha
- Lëvizja Bashkë e drejtuar nga Arlind Qori
- Lëvizja Atdheu e drejtuar nga Kreshnik Osmani
- Koalicioni Euroatlantik i drejtuar nga Endri Hasa
- Partia Socialiste e Shqipërisë e drejtuar nga Edi Rama
- Koalicioni Nisma Shqipëria Bëhet e drejtuar nga Adriatik Lapaj
- Aleanca Kombëtare Shqiptare e drejtuar nga Elena Kocaqi
- Aleanca Demokracia e Re e drejtuar nga Edmond Stojku
- Koalicioni Djathtas për Zhvillim i drejtuar nga Dashamir Shehi
- Mundësia e drejtuar nga Agron Shehaj
- Partia Socialdemokrate e drejtuar nga Tom Doshi
