Protestuesit vijojnë marshimin në rrugët e Tiranës në kuadër të protestës së 26-të radhazi, duke shoqëruar lëvizjen e tyre me thirrje kundër kryeministrit Edi Rama.
Gjatë marshimit në kryeqytet, qytetarët kanë brohoritur njëzëri: “Rama, Rama, f*ck you!” dhe “Ju erdhi fundi!”, duke iu referuar deklaratës së bërë më herët nga kryeministri në një intervistë për “Financial Times”, ku tha se kritikëve i përgjigjet me “f*ck you”.
Thirrjet kundër qeverisë, ashtu si tre javë tashmë, kanë shoqëruar protestuesit edhe mbrëmjen e sotme në disa akse të Tiranës, ndërsa mesazhi kryesor i tyre vijon të jetë kërkesa për dorëheqjen e kryeministrit.
