Protesta e 58-të kundër qeverisë dhe kryeministrit Edi Rama, ashtu si çdo natë, është mbyllur edhe mbrëmjen e sotme me thirrje për vijimin e qëndresës.
Qytetarët kanë përfunduar marshimin nëpër rrugët e Tiranës duke përsëritur kërkesën e tyre për dorëheqjen e kryeministrit.
“Rama jep dorëheqjen!”, “Dorëheqje!”, “Nesër më shumë!” dhe “Shqipëria kërkon revolucion” ishin disa nga thirrjet që shoqëruan fundin e tubimit para kryeministrisë.
Edhe në protestën e sotme, qytetarët marshuan në disa akse të kryeqyteti, duke u ndalur edhe te Parlamenti, ku përsëritën thirrjet e tyre.
“Parlament i krimit!” dhe “140 deputetë, që të gjithë analfabetë!” ishin disa nga thirrjet e dëgjuara gjatë protestës.
Organizatorët deklaruan se protesta do të vijojë dhe se nuk do të tërhiqen nga kërkesa e tyre kryesore për largimin e qeverisë dhe kryeministrit Edi Rama.
