Lëvizjet e njëpasnjëshme të trajnerëve në Serinë A po vazhdojnë me pjesën më të madhe të skuadrave që kanë ndërruar emrat e personave në pankinë apo po planifikojnë të bëjnë një gjë të tillë. Mes tyre është edhe Napoli.
Sot skuadra nënkampione e Serisë A, ka zyrtarizuar largimin e akorduar prej kohësh me Antonio Konten, i cili pritet të marrë drejtimin e përfaqësueses italiane.
“Klubi njofton se ka prishur me mirëkuptim dhe para afatit natyral të përfundimit, raportet e punës me trajnerin Antonio Konte dhe bashkëpunëtorët e tij. Trajneri Konte, në drejtimin e të kaltërve për dy sezone, ka çuar Napolin drejt fitores së titullit të katërt më 23 maj 2025, si dhe te fitorja e Superkupës italiane më 22 dhjetor”, shkruhej në njoftimin e Napolit.
Tashmë klubi pret që të njëjtën gjë të bëjë edhe Masimiliano Alegri me Milanin, në mënyrë që të firmosë menjëherë me teknikun livornez që u shkarkua nga kuqezinjtë.
PANORAMASPORT.AL
© Panorama.al
