Dy të rinj u gjetën të vdekur brenda një automjeti të parkuar, i cili ndodhej në garazhin e një shtëpie në rrugën “Milos”, në Pire të Greqisë ditën e sotme.
Sipas informacioneve të para, bëhet fjalë për një burrë 28-vjeçar dhe një grua 27-vjeçare, të cilët u zbuluan nga babai i viktimës së parë dhe njoftuan menjëherë autoritetet.
Një ambulancë e EKAB-it shkoi me nxitim në vendngjarje, me ekuipazhin që i shpalli të vdekur.
Sipas informacioneve, vlerësimi fillestar nga mjeku ligjor nuk zbuloi shenja lëndimesh, pasi as 28-vjeçari dhe as 27-vjeçarja nuk kishin plagë apo gërvishtje të dukshme.
Mjeku ligjor foli se dyshimet e para janë për tymrat nga motori dhe kondicioneri.
Njëkohësisht, i njëjti informacion thotë se automjeti në të cilin u gjetën dyshohet se e kishte motorin dhe kondicionerin ndezur, ndërsa garazhi ishte i mbyllur.
Prandaj, po shqyrtohet nëse tymi i motorit ka hyrë në brendësi të makinës nëpërmjet sistemit të kondicionimit, duke rezultuar në humbjen e vetëdijes nga dy të rinjtë.
Shkaqet e sakta të vdekjes së tyre pritet të sqarohen nga ekspertiza mjeko-ligjore, ndërsa Policia Greke vazhdon hetimet paraprake për një hetim të plotë të çështjes.
