Tirana ka pezulluar pa afat mbrojtësin e saj Ivan Gvozdenoviç. 32-vjeçari ka pasur një zënkë në stërvitjen e së martës me kolegun e tij, Erjon Dushku dhe ndaj tij është marrë menjëherë masa e pezullimit. Lojtari nuk ka qenë as dje në dispozicion të trajnerit Misho Kërstiçeviç dhe, sipas gjasave, mund t’i thotë lamtumirë skuadrës bardheblu, ende pa përfunduar mirë sezoni. Serbi erdhi te Tirana në verën e 2010-ës dhe u konsiderua si një nga blerjet më të mira të presidentit, Halili. Por në fakt, edhe pse vinte nga një karriera e pasur te skuadra si Standart Liezh, Partizani i Beogradit, Kavala, lojtari nuk bëri një diferencë mbresëlënëse, paçka se është aktivizuar rregullisht gjatë gjithë sezonit. Ndonëse nuk gjen konfirmim nga asnjë prej drejtuesve të klubit bardheblu, me gjasa futbollistit do t’i mbahet edhe një pjesë rroge, kjo si dënim për shkeljen e rregullores së klubit në seancat stërvitore.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama