DURRËS- Një i ri është arrestuar, pasi gjatë kontrollit në automjetin e tij janë sekuestruar 50 kg lëndë narkotike, e llojit hashash. Bllokimi i drogës është bërë nga policia e Durrësit, në afërsi të portit të qytetit, e cila ka njoftuar më pas edhe ndalimin e transportuesit.
Sipas policisë droga ka qenë e ndarë në 50 pako dhe po tentohej të transportohej përtej detit.
“Droga u sekuestrua gjatë një kontrolli të makinës me targa WKK 425”- thonë burimet e policisë, duke shtuar se drejtuesi i automjetit është shtetasi 34-vjeçar Gentian Turja. Ai është shoqëruar në komisariat, ndërkohë që policia vijon hetimet.
© Panorama.al
