Një qytetare e prekur nga kanceri ka folur gjatë protestës së 39-të para Kryeministrisë, duke kritikuar qeverinë për fondet e akorduara për koncertin e Kanye West dhe duke kërkuar dorëheqjen e kryeministrit Edi Rama.
Ajo tregoi vështirësitë që përballet për sigurimin e medikamenteve dhe “rimbursimin” që qeveria u ka bërë me 60 qindarka për ilaçet.
“Sot kur ai jep gjithë ato para për një koncert që nuk e kanë pranuar disa shtete, unë sot kam vajtur të marr ilaçet e kancerit. Më kanë kompensuar vetëm 60 qindarka. Turp! I kam blerë 22 mijë lekë, sot i mora 21 mijë lekë e 14 qindarka”, tha ajo, ndërsa i bëri thirrje kryeministit të japë dorëheqjen.
Protestuesja: Këtij nuk e meriton t’i thuash kryeministër, është palaço! Sot kur ai jep gjithë ato para për një koncert që nuk e kanë pranuar disa shtete, unë sot kam vajtur të marr ilaçet e kancerit.
Më kanë kompensuar vetëm 60 qindarka. Turp! I kam blerë 22 mijë lekë, sot i mora 21 mijë lekë e 14 qindarka. E kuptoni çfarë leverdie më ka bërë mua ai njeri? Të thërrasë mendjes sa më shpejt e të japë dorëheqjen dhe të çlirojë këtë popull dhe Shqipërinë! Dorëheqje!
© Panorama.al
