Qytetarët kanë nisur marshimin e përditshëm në rrugët e Tiranës, në kuadër të protestës së 44-të kundër qeverisë dhe kryeministrit Edi Rama.
Pas qëndrimit para Kryeministrisë, ku u mbajtën fjalime nga qytetarë e aktivistë, protestuesit janë zhvendosur drejt akseve kryesore të kryeqytetit, duke vijuar marshimin kilometrik.
Edhe këtë mbrëmje, thirrja kryesore e protestës ka qenë ajo që tashmë është kthyer në simbol të tubimit: “Rama jep dorëheqjen!”.
Gjatë marshimit qytetarët kanë brohoritur edhe thirrje kundër qeverisë, ndërsa kanë përsëritur mesazhin e tyre se do të vijojnë protestën deri në përmbushjen e kërkesës së tyre për largimin e kryeministrit Edi Rama.
“Edi Rama, ka mbaru, ka mbaru, ka mbaru”, thërrisnin ata njëzëri.
