PRISHTINE- Presidenti i Republikës së Hondurasit, Porfirio Lobo Sosa, dhe disa përfaqësues të institucioneve hondurase kanë arritur në Kosovë për një vizitë zyrtare.
© Panorama.al
Delegacioni honduras është pritur në Aeroportin Ndërkombëtar të Prishtinës nga disa përfaqësues të qeverisë së Kosovës në krye të të cilëve ishte zëvendëskryeministri i parë i vendit, Behgjet Pacolli.
Sosa u takua dhe me homologen e tij kosovare, presidenten, Atifete Jahjaga, ndërsa pas takimit me të ka mbajtur një konferencë për media.
Gjatë qëndrimit në Prishtinë, presidenti i Hondurasit pritet të nderohet gjithashtu me çmimin “Doctor Honoris Causa”.
