Nuk kanë fund gafat e ish-sulmuesit të Kombëtares shqiptare, Bekim Kastrati. Ai është përjashtuar nga skuadra e Vupertaler ku pati shkuar vetëm gjatë merkatos së janarit, pasi ofendoi me fjalë të rënda (të paktën sipas mediave gjermane) trajnerin e skuadrës Mikael Damgen. Ngjarja ka ndodhur gjatë një ndeshje miqësore ndaj Fortunës së Dyseldorfit (2-2), kur Kastrati ka shkuar për të gjuajtur një penallti. Ai është ngacmuar nga një fans, duke reaguar në mënyrë të çuditshme. Kjo gjë nuk i ka pëlqyer aspak trajnerit, i cili e ka kritikuar, por sulmuesi shqiptar (ka luajtur tre ndeshje me kuqezinjtë) është zënë me fjalë edhe me këtë të fundit. “Nuk dua fare të komentoj përjashtimin e tij”, ka pohuar Damgen për mediat gjermane. Sipas këtyre të fundit, nuk dihet sesa është dënimi që klubi i ka bërë atij dhe sesa është gjoba që do të aplikohet në raste të tilla. Kastrati është rritur në ekipet amatore në Gjermani, ku ka luajtur te FC Vegberg-Bek, Freialdenhoven, Myshegladbah II, Braunshveig, Fortuna Dyseldorf, Dinamo Dresden, Boner SC dhe së fundmi te Vupertaler.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama