26 Korrik, 2022
FB Kryesore Lajmi Vip Panorama Plus

Prej muajsh të ndarë, por ish-e dashura provokon sërish Don Xhonin…këtë herë me shokun e tij Butrint Imeri

4 vjet përpara

Ndonjëherë thjesht nuk mund t’i harrojmë kollaj lidhjet që kanë përfunduar dhe ish-in. Kjo po ndodh si duket me ish-të dashurën e Don Xhonit, Ariana Lirey.

Edhe pse kanë disa muaj të ndarë ajo vazhdon të ‘ngacmojë’ ndjekësit e saj në rrjetet sociale, herë duke provokuar me detaje të ndryshme (KLIKO), herë duke ofenduar reperin (KLIKO), e herë të tjera thjesht duke kërkuar vëmendje(KLIKO).

Së fundmi ajo ka bërë një tjetër lëvizje që nuk u ka shpëtuar fansave. Modelja ruse ka publikuar një video në Instagram ku shfaqet me qenin e saj. Mirëpo këtë video e ka shoqëruar me këngën e një prej shpokëve më të mirë të Don Xhonit, Butrintit, ‘Si përpara’. Në tekstin e këngës të përzgjedhur nga ajo thuhet: “Shumë sene si kam kry, veçme të pa une n’sy e me t’pyt: A kemi mu dash na dy si përpara? A kemi mu dash na dy sikur n’ëndrra?”

Modelja pak ditë më parë u shfaq krah një mashkulli misterioz. Ajo publikoi një foto në profilin e saj në Instagram duke i mbajtur dorën një mashkulli misterioz. “Me mikun tim”- ka shkruar ajo krahas fotos duke e shoqëruar me një zemër dhe kjo ka bërë që të nisin dyshimet se ajo ka nisur një romancë të re, megjithëse personin pranë saj e cilëson si mik.

Ariana dhe Don Xhoni bënë bujë të madhe me ndarjen e tyre pas deklaratave dhe akuzave që bënë publikisht ndaj njëri-tjetrit. Pas ndarjes nga modelja ruse, u raportua se reperi mund të jetë në një flirt me ish-Miss Serbia, Tia Alkerdi.

Lajmin e ndarjes së tij dhe Arianës e konfirmoi vetë modelja përmes disa shkrimeve në “Instastory”. Pas disa akuzave nga Ariana, reagoi gjithashtu edhe reperi i cili u shpreh se për modelen ka një respekt të madh pasi ishte pjesë e jetës së tij dhe se nuk do ta harrojë asnjëherë. Reperi gjithashtu tha se çdo gjë e ka një fund dhe e këshilloi modelen të mos luajë viktimën pasi nuk është e tillë. Nga ana tjetër modelja ruse iu kundërpërgjigj duke i thënë se do t’i binte maska e djalit të mirë. Disa ditë më vonë ish-i i Don Xhonit, reagoi sërish në ‘stoy’ dhe u shpreh se u nda me reperin pasi janë të ndryshëm nga njëri-tjetri dhe se vendimin për t’i dhënë fund e ka marrë ajo. “Faleminderit për fjalimin prekës, por që të dy e dimë shumë mirë përse e shkruajte. Je mësuar të kesh dashurinë e të gjithëve kështu që mbaje. Ti bën muzikë të mirë por “maska e djalit të mirë” do të dalë përsëri. Faleminderit për të gjitha dhe lamtumirë”- shkroi Ariana.

Ariana deklaroi në një bisedë virtuale me ndjekësit e saj se po mendon të vazhdojë jetën e saj pa Don Xhonin, dhe se ndarjen me të nuk e ka kaluar lehtë. Ajo rrëfeu se tashmë nuk mund të dashurojë më dikë, ndërsa shtoi se nuk ka plane për martesë apo lidhje, por do të dëshironte të kishte një fëmijë. “A beson në dashuri? Do të doje të martoheshe?”- e pyeti ndjekësi. “Ekziston dashuria 100%. Kam dashuruar dhe është një ndjenjë e mrekullueshme. Por unë jamë bërë për këtë. Kam humbur aftësinë për të dashuruar dikë. Nuk kam nevojë për një bashkëshort, nuk kam nevojë për një lidhje. Plani im i vetëm është të kem një fëmijë.”– shkroi modelja krahas një fotoje të këmbëve të një fëmije.

© Panoramaplus.al