Kryeministri izraelit Benjamin Netanyahu deklaroi se operacionet ushtarake kundër Iranit kishin zvogëluar rrezikun e një “katastrofe bërthamore” për vendin e tij.
Këto deklarata u bënë gjatë një konference për shtyp, menjëherë pas zyrtarizimit të marrëveshjes midis Uashingtonit dhe Teheranit, që synonte t’i jepte fund konfliktit ushtarak në Lindjen e Mesme.
Duke mbrojtur strategjinë dhe zgjedhjet e luftës që ndoqi, Benjamin Netanyahu theksoi:
“Arritja më e rëndësishme është se ne e mbrojtëm shtetin e Izraelit nga kërcënimi i shfarosjes bërthamore”.
Në të njëjtën kohë, kryeministri izraelit u përqendrua në krijimin e fortifikimeve të gjera mbrojtëse në kufijtë e vendit, duke deklaruar:
“Ne kemi formuar zona të thella sigurie rreth Izraelit. Kjo u zbatua në Rripin e Gazës, Liban dhe Siri. Prania jonë në këto zona sigurie do të ruhet për aq kohë sa të jetë e nevojshme, me qëllimin e vetëm për të ruajtur atdheun tonë”.
Ky qëndrim specifik vjen në një kohë kur një pjesë e opinionit publik izraelit, si dhe e gjithë opozita, e shohin marrëveshjen SHBA-Iran si një “dështim” të qartë të manipulimeve të Netanyahut.
Në mbyllje, kreu i qeverisë izraelite sqaroi hapat e tij të mëtejshëm politikë, duke njoftuar se do të jetë përsëri kandidat në zgjedhjet e ardhshme.
“Do të jem kandidat në zgjedhjet e ardhshme dhe qëllimi im është fitorja”, deklaroi ai me bindje.
© Panorama.al
