Kancelari gjerman, Friedrich Merz ka përjashtuar kategorikisht mundësinë që vendi i tij të zotërojë arsenalin e vet bërthamor.
Duke folur në podkastin “Machtwechsel” (“Ndryshimi i Pushtetit”), kancelari konservator e bëri të qartë se nuk dëshiron që Gjermania të marrë në konsideratë blerjen e armëve bërthamore të pavarura, duke përmendur angazhimet ndërkombëtare të Berlinit.
“Nuk dua që Gjermania të marrë në konsideratë blerjen e arsenalit të vet bërthamor të pavarur”, theksoi Merz, duke kujtuar se vendi i tij është zotuar të përmbahet nga lëvizje të tilla.
Merz iu referua në veçanti marrëveshjes “2+4” të vitit 1990, e cila hapi rrugën për ribashkimin e Gjermanisë, si dhe Traktatit për Mospërhapjen e Armëve Bërthamore (NPT), që është shtylla kryesore e regjimit ndërkombëtar të mospërhapjes.
Por pavarësisht refuzimit të një programi bërthamor kombëtar, Merz la të hapur mundësinë e një bashkëpunimi më të thellë me fuqitë bërthamore evropiane. Ai vuri në dukje se përdorimi i avionëve gjermanë për të zhvilluar armë bërthamore për Francën ose Britaninë mund të merret në konsideratë teorikisht.
© Panorama.al
