Qytetarët janë të vendosur për të mos u larguar nga rruga para Policisë së Tiranës deri në lirimin e 6 aktivistëve të arrestuar para Kuvendit.
Prej orës 10:00, për rreth gjashtë orë, ata janë grumbulluar fillimit para parlamentit teksa zhvillohej seanca plenare dhe e zhvendosën atë për shkak të përshkallëzimit dhe arrestimit të Dritan Goxhajt dhe 5 të tjerëve.
Qytetarët me thirrjet “Lironi çunat tanë” u shprehën se nuk do largoheshin nga Drejtoria ku bllokuan rrugën pas mesditës, deri në nxjerrjen e tyre nga qelitë.
Protesta para Drejtorisë së Policisë Tiranë do të vijojë deri në orën 19:00 dhe më pas do të shihen skenarët. Aktivisti Arben Kola tha se kjo protestë për sot kishte ndryshuar skenarin e orës për shkak të zhvillimeve, por më tej për në mbrëmje do vendosnin organizatorët.
“Nuk e dimë nëse do rrethohet Policia e Tiranës apo kryeministria, do vendosin organizatorët më tej, por ne nuk do lëvizim prej këtu derisa të lirohen të shoqëruarit. Një prej tyre është Dritan Goxhaj si dhe 5 të tjerë”, tha ai.
Mësohet se një pjesë e protestuesve janë në komisariate. Protestuesit bëjnë thirrje për lirimin e protestuesve të arrestuar para Parlamentit.
Thirrjet “lironi çunat” vijojnë.
Protesta do të vijojë deri në orën 19:00 dhe do të vijojë si zakonisht, por nuk dihet skenari.
Nuk kanë munguar edhe thirrjet “Rama jepe dorëheqjen”, “Rama në burg”, “Arresto Ballukun”, “Revolucion” apo “Parlament i krimit” dhe “Polici e krimit”.
