Një shtetas kosovar i shpallur në kërkim nga autoritetet në Madrid, Spanjë është arrestuar sot nga Policia Kufitare në pikën e kalimit të Morinës, në Kukës.
Sipas policisë, shtetasi kosovar, i shpallur në kërkim ndërkombëtar Afrim Selim Gashi, 34 vjeç, banues në Prishtinë është arrestuar nga shërbimet e Policisë Kufitare në orën 06.50’ gjatë kryerjes së procedurave në hyrje të këtij shtetasi, i cili udhëtonte me autoveturë nga Kosova në drejtim të Tiranës.
Gjatë kontrollit në sistemin e Interpolit ky shtetas ka rezultuar i shpallur në kërkim ndërkombëtar, dhe menjëherë, ndaj tij është marrë masa e arrestit, me qëllim ekstradimi drejt Spanjës.
© Panorama.al
