Zëvendës presidenti amerikan, J.D. Vance dha një vlerësim pozitiv të raundit të fundit të bisedimeve me Iranin në Zvicër, duke folur për përparim të konsiderueshëm dhe duke shprehur optimizëm se të dy palët janë më afër një marrëveshjeje përfundimtare mbi programin bërthamor të Teheranit.
“Dje ishte një ditë shumë, shumë e mirë. Ne bëmë pikërisht atë që donim të bënim. Ky është një moment i rëndësishëm për popullin amerikan”, tha ai, ndërsa shtoi se është hedhur “një themel i shkëlqyer” për marrëveshjen përfundimtare.
Vance njoftoi po ashtu se inspektorët bërthamorë të IAEA-s janë gati të kthehen në Iran për të verifikuar pajtueshmërinë me marrëveshjen paraprake.
“Shpresa jonë është të arrijmë një marrëveshje përfundimtare dhe një zgjidhje të përhershme. Por tani për tani, besoj se kemi bërë përparim të madh dhe të gjithë duhet ta festojmë këtë arritje, veçanërisht ndërsa inspektorët bërthamorë fillojnë misionet e tyre”, u tha Vance gazetarëve në Zvicër.
Teherani thuhet se ka autorizuar kthimin e inspektorëve nga Agjencia Ndërkombëtare e Energjisë Atomike (IAEA), një organ autonom i Kombeve të Bashkuara.
Ai shtoi: “Së pari, ne donim të krijonim një mekanizëm për të siguruar që Ngushtica e Hormuzit të mbetet e hapur – dhe mbetet e hapur”.
© Panorama.al
