Aktivisti Andi Tepelena deklaroi se në vend ka lindur një shpresë e madhe prej një muaji, duke iu referuar nisjes së protestave masive kundër qeverisë së Edi Ramës.
Duke folur nga podiumi në protestën e një dite më parë, Tepelena u shpreh se qytetarët janë ngritur për të shporrur regjimin e Edi Ramës.
Tepelena vuri theksin te rëndësia e rinisë brenda dhe jashtë vendit, si dhe te mbështetja e rëndësishme që po vjen nga faktori ndërkombëtar, specifikisht nga Gjermania.
“Ka një muaj që ka lindur një shpresë e madhe. Qytetarët dhe rinia janë ngritur për të shporrur këtë regjim, aty ku e lamë në vitin 1991. Janë këta të rinj që jetojnë këtu, në diasporë, që mezi presin të çlirohen nga ky sistem korruptiv, të rrëzohet kjo kastë korruptive që po mban peng zhvillimin e vendit.
Shqipëria është e mbushur me talente. Me njerëz të talentuar në çdo fushë dhe janë ata që do marrin fatet e vendit në dorë. Sot Gjermania është në krah të shqiptarëve. Për herë të dytë ambasadori gjerman në Shqipëri ka riafirmuar rëndësinë e protestës si e drejtë demokratike”, deklaroi Tepelena.
© Panorama.al
