TETOVË- Aleanca Kuq e Zi, dega Maqedoni reagon për problemet me tekstet mësimore të këtij viti dhe shtrembërimet e tyre në dëm të shqiptarëve.
Përmes një deklarate për shtyp, përfaqësuesi i kësaj dege, Valon Kurtishi gabimet e shhumta e të qëllimshme janë me prapavijë të caktuar politike.
“Aleanca Kuq e Zi dënon ashpër shtrembërimet historike dhe fyerjet që i bëhen komunitetin shqiptar, kulturës, trashëgimisë dhe gjithë asaj që përbën identitet nacional të tij, në librin shkollor të klasës së VI. Në këto tekste kosiderohet që “Ilirët kanë qenë kusarë”- thuhet në deklaratë.
Aleanca Kuq e Zi kërkon që Komisoni Nacional i ish Repuplikës Jugosllave të Maqedonisë sa më shpejtë të përmirësojë gabimet e qëllimshmë në këtë libër si dhe dorëheqjen e menjëhershme të z.Zoran Radiq nga posti i kryetarit të Komisionit Nacional për Librat Shkollorë.
Aleanca Kuq e Zi kërkon që gabimet e këtij lloji të mos përsëriten më në të ardhmen, kurse autorët e tyre të përgjigjen përpara organeve kompetente.
Sipas saj, së shpejti në bashkëpunim edhe me organziatat tjera simotra civile do të dalë me një propozim dhe projekt konkret për unifikimin e librave të gjuhës dhe letërsisë shqipe, historisë dhe gjeografisë kombëtare për gjithë nxënësit shqiptarë në Ballkan dhe kudo janë ata në emigracion.
© Panorama.al
