Biznesmeni Erlind Xhindi, gjatë fjalës së tij në podiumin e protestës para Kryeministrisë, dënoi kërcënimin ndaj aktivistit Gent Progni, duke deklaruar se ai u kërcënua me thikë nga një person civil gjatë protestës së zhvilluar pranë Parlamentit.
Në fjalën e tij, Xhindi u bëri thirrje efektivëve të Policisë së Shtetit të mos zbatojnë më urdhrat politikë, ndërsa përmendi edhe emrin e Ergys Agasit, duke iu referuar deklaratave që aktivisti Gent Progni kishte bërë më herët lidhur me lidhjet e autorit të dyshuar me një biznesmen të shpallur në kërkim.
“Sot Genti është kërcënuar te protesta të Parlamenti, një turp i madh. U kërcënua nga një qen me pagesë, i veshur me imunitetin e policisë. Ata që flasin në emër të shtetit të kenë kujdes. Nisni mosekzekutimin e urdhrave politikë, mos ndiqni Ergys Agasin, sepse ne jemi të aftë t’ju vemë përpara. Jeni makineri kriminelësh, ne do të vdesim këtu në shesh.
I pabesi ka kërkuar besë dhe ka bërë autokritikë. Ka marrë një document të Ramiz Alisë tek arkiva dhe i ka ndryshuar datën e ka hedhur në popull si të tijën”, tha ai.
© Panorama.al
