Zv.kryeministri dhe ministri i Jashtëm, Edmond Haxhinasto, u takua në Izrael me homologun e tij, Avigdor Lieberman. Gjatë bisedës u diskutua për marrëdhëniet mes dy vendeve dhe thellimin e bashkëpunimit ekonomik. “U diskutua mbi organizimin e disa aktiviteteve të përbashkëta për të sjellë më afër komunitetet e biznesit të dy vendeve, si dhe për të eksploruar mundësitë konkrete për investimet izraelite në Shqipëri. Si fusha të bashkëpunimit ekonomik u identifikuan: turizmi, bujqësia, energjia, infrastruktura, tek-nologjia e informacionit etj”, thuhet në njoftimin për shtyp. Në kuadër të vizitës në Jeruzalem, Haxhinasto bëri një vizitë në Muzeun e Martirëve dhe Heronjve të Holokaustit në Yad Vashem, ku vendosi edhe një kurorë në përkujtim dhe nderim të tyre. Ministri i Jashtëm do të ketë takime edhe me zv.kryeministrin dhe ministër i Energjisë Atomike, me zv.kryeministrin dhe ministri për Çështje Strategjike, si dhe me ministrin e Infrastrukturës Kombëtare.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama