Ish-Presidentja e Kosovës, Atifete Jahjaga, ka tërhequr sërish vëmendjen e ndjekësve në rrjetet sociale me paraqitjen e saj të fundit. Fotografitë e publikuara nga një event familjar kanë nxitur reagime të shumta, ku komentet janë përqendruar te ndryshimi në pamjen e saj.
Jahjaga, e cila drejtoi Kosovën nga viti 2011 deri në vitin 2016, është komentuar shpesh për transformimin e saj fizik ndër vite. Nga periudha kur ishte në krye të shtetit e deri më sot, ndryshimi në stilin dhe paraqitjen e saj është vënë re nga ndjekësit.
Në fotografitë e fundit, ish-Presidentja shfaqet e kuruar deri në detaje, me një pamje elegante gjatë pjesëmarrjes në dasmën e djalit të një biznesmeni të njohur shqiptar.
Imazhet u shpërndanë me shpejtësi në rrjetet sociale, ndërsa shumica e reagimeve u përqendruan te paraqitja e saj dhe ndryshimi që ka pësuar ndër vite.
