Pankartat me mesazhe politike dhe ironike kanë qenë pjesë edhe të protestës së 24-të radhazi para Kryeministrisë.
Qytetarët kanë zgjedhur të përcjellin mesazhet e tyre përmes shkrimeve në pankarta, ku kanë drejtuar kritika ndaj qeverisë, politikës dhe institucioneve të drejtësisë.
Ndër pankartat e shfaqura në protestë ishin: “SPAK, arresto Ballukun”, “Nga karrigia në qeli: koha për drejtësi”, “Rama n’burg, Berisha n’burg”.
Po ashtu, një pankart i dedikohej kryeministrit Rama, të cilin e kishin krahasuar me kryeministrin britanik, i cili dha dorëheqjen nga detyra, pas krizës politike në partinë e tij.
“Burrë shteti dorëhiqet, hajdut shteti justifikohet”, thuhej në të.
Një tjetër pankartë ironizonte marrëdhëniet mes figurave politike, ndërsa shkruhej:
“Të puth halla në dy faqet o Rama, një përputhje, shumë interesa!”, e shoqëruar me një ilustrim të Sali Berishës, Belinda Balluku dhe Edi Ramës.
