Nëse flasim për diskursin e tij politikë, absolutisht që Flamur Noka është ndër deputetët më të ashpër me qeverinë dhe mazhorancën.
Përfshirja e tij në aksionet opozitare dhe jo vetëm është padyshim ndër më aktivet në radhët e bluve. Nga ana tjetër, edhe në pjesën e jashtme të Parlamentit, të rralla kanë qenë rastet kur e kemi parë të qëndrojë me deputetët e Partisë Socialiste. Madje kemi pasur plot raste, që Noka i ka kaluar fare pranë dhe ka zgjedhur që as mos t’i përshëndesë kolegët e tij kundërshtarë.
Por kur vjen puna për zonjat e politikës, duket se Noka është disi më xhentil, e ndonëse nuk ka ndonjë raport miqësor, përshëndetjen nuk ia kursen. E tillë është edhe kjo foto, e shkrepur në shkallët e Parlamentit, ku Noka përshëndetet me kolegen e tij Dhurata, Çupi, e pak metra më tej qëndron edhe Gjylameti. Ndonëse me këtë të fundit nuk ka preferuar të takohet, një përshëndetje nga larg ia ka dhënë, duke treguar kështu edhe anën e tij xhentile.
