TIRANE – Dy persona me maska e armë grabitën një supermarket në afërsi të Laprakës, në vendin e njohur si ish-markata e vjetër, në Tiranë. Njëri prej autorëve është futur në ambientet e brendshme të supermarketit dhe duke i vendosur pistoletën në kokë një klienteje, ka kërcënuar shitësen që t’i jepte të gjitha paratë që ndodheshin në kasë. Ndërsa personi tjetër ka pritur te dera e jashtme e dyqanit, për të mbajtur nën kontroll situatën. Grabitësi është drejtuar vetë te kasa, duke tërhequr aty të gjitha kartëmonedhat, në një vlerë totale që llogaritet të jetë rreth 250 mijë lekë të rinj. Burime nga Policia e kryeqytetit thanë se nga sekuestrimi dhe verifikimi i pamjeve filmike, autorët, edhe pse të maskuar, dyshohet të jenë të njëjtët që kanë kryer edhe dy grabitje të tjera brenda muajit gusht. Sipas policisë, ata janë të dyshuar edhe për grabitjen e kazinosë te Zogu i Zi dhe një tjetre te Stacioni i Trenit.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama