TIRANE- Kryeministri Sali Berisha renditi disa nga arritjet e qeverisë së tij pas interpelancës së kërkuar me të, nga deputeti i Partisë Socialiste, Erjon Braçe.
Fjalën e tij Berisha e nisi me një koment lidhur me mosvotimin e ligjeve që kërkojnë 3/5 nga ana e opozitës. Ai tha se opozita ka frikë të votojë këto ligje, ndërsa shtoi se, kështu favorizohet kryeministri.
Kryeministri tha se, qeveria e tij ktheu qytetarët shqiptarë ne pronarë.
“Kjo maxhorancë ka në historinë e vendosjes në pronësi të aseteve të vendit, qytetarët shqiptarë pa dallim të asnjnë lloji”- tha ai.
“Sot që ky vend që ju e mallkoni dhe kjo ekonomi është ekonomia e vetme në Europë që ka rritur investimet e huaja. Eshtë ekonomia e vetme e cila ka trefishuar eksportet në një hark kohor 4- vjeçar. Eshte ekonomia e vetme që nuk ka krijuar humbje por ka punësuar dhjetra- mijëra shqiptarë në kohën e krizës. Kjo ekonomi i ka bërë të mundur Shqipërisë programin e saj infrastrukturor më të mirë. Investitorët e huaj me investimet e tyre, trefishuan naftën dhe të ardhurat e shqiptarëve”
Berisha foli për rritjen e pensioneve dhe pagave, pronën private, rritjen e të ardhurave për frymë, shkurtimin e administratës dhe çështje të tjera ekonomike.
Ai akuzoi opozitën se e sulmon maxhorancën pa fakte dhe dokumenta.
Ndërkohë gjatë fjalës së tij, deputeti i PS-së, Erjon Braçe e akuzoi kryeministrin Berisha se kontrollon gjithçka e privatizon, gjithcka publike duke ia dhënë kujt të dojë e kujt t’i interesojë.
Braçe tha se e gjithë politika e kryeministrit Berisha me pasurtitë e këtij vendi, mbëshstetet në zhvatje.
Pavarësisht se Braçe i kërkoi kryeministrit Berisha të shprehej lidhur me atë që po ndodh në minierën e Bulqizës, kreu i qeverisë nuk dha edhe sot një mesazh lidhur me çështjen.
© Panorama.al
