ATHINE- Kryeministri i ri i Greqise do te jete Lukas Papadhimos.
Emri i tij behet me dije nga mediat greke, sipas te cilave se fundi eshte arritur edhe marreveshja per ate qe do te drejtoje qeverine e re.
Nuk ka ende njoftim zyrtar per lajmin, nderkohe qe pritet lajmerimi nga Presidenca.
Me heret, kryeministri grek, Jorgos Papandreu u ka kerkuar ministrave te kabinetit te tij te bejne gati me shkrim kerkesat per doreheqje.
Deklarata eshte bere ne mbledhjen e mesdites te qeverise, ku sipas mediave mesohet se Papandreu ka pohuar se tashme ndodhen drejt fundit te procesit.
Zhvillimet e djeshme
Mediat greke njoftojne se bisedimet mes Jorgos Papandreut dhe liderit te opozites, Samaras kane perfunduar dhe se sot pritet te shpallet emri i kryeministrit te ri te Greqise. Kryeministri i ri do te drejtoje qeverine e unitetit, deri ne organizimin e zgjedhjeve te reja ne Greqi.
Bisedimet e politikanëve për zgjedhjen e kryeministrit të ri, i cili do të udhëheqë qeverinë e përkohshme të unitetit, nisen pasi Jorgo Papandreu pranoi të largohet.
Favoritë kryesorë për këtë post janë Lukas Papademos, ish udhëheqës i lartë i Bankës Qendrore Evropiane, dhe Evangelos Venizelos, aktualisht ministër i financave.
Venizelos u tha gazetarëve dje në Bruksel se Greqia e ka qeverinë e unitetit kombëtar.
“Ne kemi qeveri të re të unitetit kombëtar dhe të përgjegjësisë kombëtare. Kjo është provë për përkushtimin tonë dhe për kapacitetin tonë kombëtar për të implementuar programin dhe për të rikonstruktuar vendin tonë”, tha Evangelos Venizelos.
Ai theksoi se partitë kryesore politike në Greqi, janë pajtuar që zgjedhjet e reja do të mund të mbaheshin më 19 shkurt, pasi të miratohet marrëveshja me BE-në për kredi në vlerë prej 130 miliardë eurosh.
Por, sipas kësaj marrëveshjeje, autoritetet e Greqisë duhet t’i implementojnë saktësisht masat e kursimit, të cilat kundërshtohen nga shumë grekë të zakonshëm.
© Panorama.al
