Aksident tragjik në Siri, përplasen dy autobusë! Të paktën 35 të vdekur dhe 30 të plagosur

Të paktën 35 persona kanë humbur jetën dhe 30 të tjerë janë plagosur pas përplasjes së dy autobusëve të pasagjerëve në Siri.

Aksidenti ndodhi në aksin rrugor Deir al-Zor–Damask, ndërsa lajmi u bë i ditur nga një zyrtar i Ministrisë së Shëndetësisë për agjencinë shtetërore të lajmeve SANA.

Sipas autoriteteve siriane, në përplasje u përfshinë një autobus që transportonte pjesëtarë të Forcave të Sigurisë së Brendshme dhe një autobus me pasagjerë civilë.

Ekipet e emergjencës ndërhynë për shpëtimin e të plagosurve dhe nxjerrjen e viktimave. Helikopterët e Ministrisë së Mbrojtjes u përdorën për evakuimin e të plagosurve dhe transportimin e trupave nga aeroporti i Palmirës drejt një spitali ushtarak në Homs.

Ministri i Jashtëm sirian, Asaad al-Shaibani, shprehu ngushëllimet për familjet e viktimave dhe u uroi shërim të shpejtë të plagosurve.

Autoritetet nuk kanë bërë ende të ditura shkaqet e aksidentit.

VIDEO | At least 35 people were killed and dozens more injured in a collision between two passenger buses on a highway in central Syria. pic.twitter.com/0XjOx2HSOA

— The Cradle (@TheCradleMedia) July 25, 2026

© Panorama.al