Një aeroplanmbajtës amerikan ka kaluar Kanalin e Hormusit edhe pse Irani kishte paralajmëruar në dhjetor se në rast të vendosjes së sanksioneve të reja do ta bllokonte kalimin në këtë kanal. Sanksionet e reja u vendosën dje nga Bashkimi Europian, por aeroplanmbajtësja amerikane, “Abraham Lincoln”, është futur në Gjirin Persik pa pasur incidente. Misioni i saj ishte kryerja e ushtrimeve të sigurisë, sipas Marinës amerikane. Aeroplanmbajtësja shoqërohet nga anije luftarake britanike dhe franceze. Në Kanalin e Hormusit transportohet 20 për qind e naftës që tregtohet në botë. Javën e kaluar ministri i Jashtëm, Ali Akbar Salehi, deklaroi se vendi i tij nuk është përpjekur asnjëherë të bllokojë transportin detar midis Gjirit Persik dhe Gjirit të Omanit. Ndërkohë, zyrtarët iranianë i kanë quajtur sanksionet e reja të vendosura nga BE-ja, për shkak të programit bërthamor të Iranit, si “luftë psikologjike”.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama