Leonard Koka është shoqëruar sot në Policinë e Durrësit me akuzën për ‘kundërshtim të punonjësit të policisë’. Ai është mbajtur rreth 3 orë dhe më pas ka lënë Komisariatin për të pohuar në një prononcim për “BalkanWeb” ku tha se nuk ka pasur asnjë lloj kundërshtimi nga ana e tij.
Këtë gjë e vërteton edhe regjistrimi audio i bërë nga vetë Koka. Në audion që disponon “BalkanWeb”, Leonard Koka i kërkon policëve arsyen e shoqërimit. Biseda zhvillohet brenda në Komisariat.
“A po më shoqëron, a je ti komandanti? Më jep një arsye o vlla përse po më shoqëron?”, dëgjohet duke thënë Nar Koka. Ndërsa policët i thonë se do ia trgojnë më vonë. Për më tepër dëgjoni audion më poshtë.
U shoqërua në komisariat, flet pas lirimit Nar Koka: Ja çfarë ndodhi
Leonard Koka, ndërmjetësuesi i marrëveshjes PS-LSI është mbajtur sot në Komisariatin e Durrësit për rreth 3 orë dhe më pas është njoftuar se ai akuzohet për ‘Kundërshtim të forcave të policisë’.
Por në një prononcim për gazetaren Klodiana Lala për “BalkanWeb”, Leonard Koka mohon kategorikisht këtë akuzë dhe madje hedh akuza të rëndë mbi Drejtorin e Policisë së Durrësit Perlat Çullhaj.
Koka tha se ai është shoqëruar për të tërhequr vëmendjen e opinionit publik dhe medias nga trafiku i drogës.
“Unë nuk kam kundërshtuar asnjë punonjës policie. Dua të them që Perlat Çullhaj më ka shoqëruar vetëm për të tërhequr vëmendjen nga droga që ka kaluar në kufi. Ma ka bërë edhe një vit më parë. Sa herë kalojnë 2-3 tonë drogë në kufi më shoqërojnë mua për të tërhequr vëmendjen e mediave dhe opinionit publik. Nuk habitem po të më shoqërojnë prapë”, deklaroi Koka.
Nard Koka përfundoi sot në polici pas ndalimit të djalit të tij për shkelje të kodit rrugor.
Djali i Leonard Kokës është ndaluar nga policia e qarkullimit rrugor rreth orës 13:30 në rrugën e Ish-kënetës të qytetit bregdetar.
Kjo, pasi sipas policisë Renald Koka ishte me shpejtësi tej normave dhe pa dokumentacionin e duhur. Djalit të Leonard Kokës iu hoq leja e drejtimit nga patrulla e qarkullimit. Pas kësaj Leonard Koka u shoqërua për të dalë rreth 3 orë më pas me akuzën e kundërshtimit të policisë.
NDIQE LIVE "PANORAMA TV" © Panorama.al
