Takimi mes ministrit të Brendshëm Sajmir Tahiri dhe deputetit Tom Doshi ka patur një interes të jashtëzakonshëm nisur nga pozitat dhe raportet mes dy personazheve.
Ministri njihet për linjën e tij radikale ndaj sjelljeve te deputetit, fakt që u konfirmua edhe mbrëmjen e së enjtes në emisionin “Opinion”.
Dëshmitarë të takimit kanë qenë shumë pak persona që janë ndodhur pasditen e së shtunës në mjediset e barit të hotel Rogner.
Njëri prej tyre ka dëshmuar për “Panorama Online” se tonet e përdorura nga Tahiri e Doshi kanë qenë shpeshherë të larta dhe nuk kanë munguar as në fund të takimit.
Dëshmitari ynë shtoi se kishte parë të ulur në bar edhe ambasadorin e OSBE në Tirane.
“Ministri dhe deputeti ishin ulur në tavolinën e fundit të lokalit, ndërsa ambasadori larg tyre. Tonaliteti i pazakontë i bisedës sigurisht që shtonte interesin e klientëve të paktë të barit, duke qene edhe në dijeni të raporteve të përfolura mes tyre”.
Ambasadori i OSBE në Tiranë është një njohës i mirë i gjuhës shqipe.
NDIQE LIVE "PANORAMA TV" © Panorama.al
