Një shtetas italian mund të ishte bërë milioner, por fatkeqësisht është gjendur vetëm me një valixhe plot me miliarda lireta, të cilat sipas ligjit janë letra pa vlerë.
Një gjë e tillë i ka ndodhur një bankieri, Luigi C, që në korrik të vitit 2017, me vdekjen e gjyshit, ka trashëguar të gjithë pasurinë dhe llogaritë e tij bankare.
“TgCom” shkruan se në trashëgimi përfshihej edhe një kasafortë sigurie në një Bankë në Zvicër ku ndodhej edhe thesari.
Por fatkeqësisht afatet e konvertimit të liretave në euro kanë përfunduar, duke e bërë gjithë atë pasuri të pavlerë. Pavarësisht kësaj, 48-vjeçari ka vendosur që të mos dorëzohet.
Falë edhe profesionit të tij si bankier, ai e njeh mirë ligjin, e si pasojë kërkon që të përfitojë nga këto para, që mbetet e paqartë se si gjyshi i tij i ka përfituar.
“Ligji parashikonte 10 vite kohë për konvertimin e liretës, pra kufiri ishte 2012-a. Por dëshira për t’i mos i humbur ato e kanë shtyrë të hapë një çështje thuajse në ekstremitet”, shkruan “TgCom”.
Kjo e fundit shton se avokatët e tij pretendojnë e do të përpiqen që të dëshmojnë se 10 vitet e moratoriumit të parashikuara nga ligji nuk janë të llogaritura nga hyrja në fuqi e euros, përsa kohë që sasia e liretave për t’u konvertuar nuk ishte zbuluar.
NDIQE LIVE "PANORAMA TV" © Panoramaplus.al