Modelja e njohur, Xhesika Berberi, prej disa kohësh jeton në Shtetet e Bashkuara të Amerikës, ku vazhdon edhe karrierën e saj.
Ajo është mjaft aktive në profilin e saj në “Instagram”, e së fundmi ka vendosur që të bëjë një bashkëbisedim me ndjekësit e shumtë.
Për të arritur suksesin që dëshiron në fushën e modelingut, Berberi kujdeset shumë për veten, veçanërisht për trupin.
Një fanse e ka pyetur modelen se “cili është sekreti i saj që ka një trup të mrekullueshëm, se ajo dëshiron të dobësohet, por nuk po ia arrin qëllimit”.
“Ushqehem shumë shëndetshëm dhe e anashkaloj sa më shumë mishin. Palestër të paktën 3 herë në javë. Sa më shumë ujë, lëngje jeshile. 21 ditët e para janë pak më të vështira pastaj bëhet mënyrë jetese”, ka treguar Xhesika kështu formulën për një trup elegant e me forma perfekte.
