Aktorja e famshme amerikane Lindsay Lohan ka disa kohë që frekuenton një ishull të Greqisë. Madje së fundmi 32-vjeçarja ka hapur në Mykonos edhe një klub me emrin e saj “Lohan Beach House”.
Në profilin e “Instagram”-it të klubit publikohen foto të ndryshme nga aktivitetet që mbahen aty. Një njërën nga mbrëmjet e organizuara në klubin e aktores, dy prej punonjëseve të vendit janë fotografuar të veshura njësoj.
Punonjëset shfaqen me fustane të bardha dhe sandale me takë, vetëm se këto të fundit nuk ishin të së njëjtit model. E ky detaj i ka rënë në sy edhe Lindsay, e cila ka komentuar në foton e publikuar në “Instagram”.
Ajo u ka bërë namin punonjëseve të saj duke u thënë: “Vishni këpucë të njëjta ju lutem. Ose jeni të pushuara”.
Një ndjekës i këtij profili ka lexuar komentin e aktores dhe i ka shkruar: “Të lutem më thuaj se po bën shaka dhe nuk është e vërtetë”. Lohan i përgjigjet: “Totalisht seriozisht”.
Panorama Plus
NDIQE LIVE "PANORAMA TV" © Panoramaplus.al