Ai është duke shijuar rrezet e diellit dhe duke festuar me ekipin e tij që kur mbërriti në St. Tropez në fillim të kësaj jave. Megjithatë, Drake e gjeti veten në një gjendje paniku pasi një bletë iu afrua tavolinës së tij. Videoja funny, tashmë virale e reperit, 35 vjeç, tregon atë dhe anëtarët e ekipit të tij duke u përpjekur në mënyrë qesharake të largojnë një bletë.
Videoja e shkurtër por gazmore tregon Drizzy në jug të Francës në një gjendje aspak të qetë për shkak të pranisë së insektit. Ylli kanadez shihet duke u larguar nga bleta ndërsa ekipi i tij përpiqet ta largojë atë.
View this post on Instagram
Videoja mori një përgjigje nga superylli, i cili e bëri të qartë se i ka frikë bletët. ‘I urrej bletët për zotin’, shkroi ai në një koment në postimin e një llogarie fansash.
Kjo video vjen mes zërave se Drake ka nisur një lidhje të re pasi u fotografua në një jaht me modelen 21 vjeçare Suede Brooks ndërsa ishte me pushime në St. Tropez, Francë. Reperi dhe modelja më pas u drejtuan në ‘Club 55’, një nga klubet më ikonike dhe historike të plazhit të qytetit bregdetar, sipas paparacëve.
Nuk është konfirmuar nëse dyshja janë të lidhur por sidoqoftë, një burim i tha ‘Entertainment Tonight’ të mërkurën se Drake dhe Brooks janë padyshim të interesuar për njëri-tjetrin – por la të kuptohet se ka të ngjarë të mos ketë asgjë mes tyre për momentin.
“Ata po argëtohen së bashku,” tha burimi i brendshëm, duke shtuar se ata kanë disa ditë që janë bashkë në Europë.
Sipas ET, kjo nuk është hera e parë që reperi dhe Suede kalojnë kohë së bashku dhe miqtë e përbashkët thuhet se “po kërkojnë që ata të rrinë më shumë me njëri-tjetrin”.
Të mërkurën, Drake tregoi se ishte ende duke e shijuar kohën e tij në St. Tropez duke postuar disa Stories në Instagram në një klub. Brooks nuk u shfaq në asnjërin prej tyre.
Të martën, Drake postoi një seri fotosh të super-jahtit të quajtur “Coral Ocean”, i cili ka një sallë pritjeje me një pishinë, SPA, një bar me shërbim të plotë, çadra dhe pamje panoramike. Ai ka të ngjarë të jetë i njëjti jaht me të cilin u fotografua reperi i “Passionfruit” teksa rrinte me Brooks.
Në të kaluarën, Drake ka qenë i lidhur me figura shumë të njohura, duke përfshirë Bella Harris, Malaika Terry, Rihanna, Jennifer Lopez dhe Hailey Bieber. Ai gjithashtu ka një djalë 4-vjeçar, Adonis, me piktoren Sophie Brussaux.
NDIQE LIVE "PANORAMA TV" © Panoramaplus.al