Videoja ku të rinjtë e Partisë Demokratike qëlluan me vezë në drejtim të kryetarit të Bashkisë Tiranë, Erion Veliaj, ka bërë xhiron e rrjetit ditën e sotme.
Veliaj kishte shkuar për një takim me artistët për të diskutuar rreth çështjes së prishjes dhe rindërtimit të teatrit, ku një djalë e ka goditur atë me disa kokrra vezë.
Kryebashkiakun nuk e kapi asnjë vezë pasi ai arriti që t’u shpëtonte atyre. Më pas ngjarjen ua rrëfej edhe artistëve, ku tha: “Dolët huq me atë nishan që ju çoi Luli, hodhët 10 vezë, nuk më zuri asnjë. Kur e përballoj me sportivitet sulmin ‘alla ISIS’, pranoni me sportivitet batutën time, duhet të stërviteni më shumë”.
Te rinjte e PD qellojne me veze Veliajn on Vidnews.
Por Veliaj nuk e la me kaq, ai publikoi në profilin e tij në “Instagram” një foto që ka bërë për të qeshur ndjekësit. Ai shfaqet me kostumin e një super-heroi, i cili manovron duke shpëtuar nga vezët me të cilat po qëllohet.
Bashkëngjitur me foto Erioni shkruan: “T’kishte Lulzim Basha nishan do kish bo noj punë në Tiranë a do kish fitu noi palë zgjedhje”.
Por përveç fotos ajo që bie në sy është komenti i reperit të njohur, Noizy. Ai i shkruan: “Hajde sparing me mu. Ishe i papam per box”.
Panorama Plus
NDIQE LIVE "PANORAMA TV" © Panoramaplus.al