Modelja Chrissy Teigen abortoi foshnjën e saj pas hemorragjisë. Bashkëshortja e këngëtarit të njohur, John Legend ishte në pritje të fëmijës së tretë.
Lajmi i hidhur vjen disa ditë pasi ajo u shtrua në spital për shkak të hemorragjisë.
“Po shkojnë nga spitali në shtëpi pa foshnjën time,”- shkroi modelja në Twitter. “Si mund të jetë kjo e vërtetë?”
Gjithashtu ajo publikoi një foto bardh e zi e ulur në një nga shtretërit e spitalit teksa qante pas abortimit të fëmijës.
“Ne jemi të shokuar, është një lloj dhimbje që nuk e kemi ndjerë më parë,”- shkroi 34-vjeçarja. “Nuk arritëm të ndalonim gjakderdhjen dhe t’i jepnim foshnjës sonë lëngjet që i duheshin, pavarësisht transfuzioneve të gjakut. Thjesht nuk ishte e mjaftueshme.”
Çifti kishinm menduar që ta quanin foshnjen e tyre Jack.
“Ai do jetë gjithmonë Jack për ne. Ai luftoi shumë për të qenë pjesë e familjes donë të vogël dhe do të jetë përgjithmonë,”– shkroi Teigen.
Çifti janë prindër të dy fëmijëve, Lunës dhe Miles, që dy u ngjizën përmes fekondimit in vitro (IVF).
Por kjo shtatzëni ndodhi natyrshëm, diçka që Teigen tha se nuk mendonte që ishte e mundur për të.
Modelja ishte në gjysmën e shtatzënisë së saj dhe filloi të kishte shumë gjakderdhje.
Ajo zbuloi se planceta e saj ishte shumë e dobët.
“Jo çdo ditë mund të jetë me diell. Në këto ditë më të errëta, ne do të pikëllohemi, do të qajmë. Por do të përqafojmë dhe duam njëri-tjetrin më fort dhe do ta kalojmë këtë,”– përfundoi deklarata.
/Panoramaplus.al
