Mijëra faqe dokumentesh të paraqitura në gjyqin e Johnny Depp dhe Amber Heard u zbuluan gjatë fundjavës, duke përfshirë mesazhe me tekst midis aktorit dhe Marilyn Manson dhe përpjekjes së ekipit të tij për të paraqitur faktin që Amber dikur ka punuar si striptiste në gjyq. Dokumentet e gjykatës, të publikuara në Internet dhe të verifikuara nga ‘The New York Post’, paraqesin prapaskenat e përpjekjeve të avokatëve nga të dyja palët për të paraqitur disa pretendime para jurisë në Fairfax, Virxhinia. Një dokument prej 965 faqesh i paraqitur më 28 mars tregon kundërshtimin e Heard ndaj një sërë mocionesh të bëra nga avokatët e Depp, duke përfshirë një për të mos përmendur faktin se ai vuan nga bipolariteti dhe të tjera që kërkonin të paraqisnin informacione potencialisht të dëmshme për aktoren.
Avokatët e yllit të “Aquaman” thanë se Depp u përpoq të shfaqte në mënyrë të papërshtatshme videon e reality-show të motrës së Amber Heard, Whitney dhe marrëdhëniet e kaluara romantike të Whitney dhe Amber, thuhet në dosje. Depp gjithashtu donte t’i tregonte jurisë për eksperiencën e shkurtër të Amberit si një striptiste vite përpara se të takonte Depp, shkruan avokatët e saj, ndërsa kundërshtuan gjithashtu përpjekjet e Depp për të nënkuptuar se Heard ka qenë gjithashtu eskort.
Dokumentet treguan gjithashtu mesazhe të reja me tekst midis Depp dhe Manson, i cili është akuzuar për abuzim seksual nga ish -e fejuara e tij Evan Rachel Wood, të cilën ai e paditi për shpifje në mars. Në një mesazh të vitit 2016, Depp i shkruan: “Kam lexuar shumë materiale për atë dhe sjelljen sociopatike… është e vërtetë vëllai im!! Ish-i im është si një libër dreqi!!!”, thuhet në dokument. Pastaj Manson, në një referencë të dukshme ndaj një incidenti ku policia u thirr në apartamentin e Depp dhe Heard në Los Angeles në vitin 2016, shkroi, “Kam marrë një skenar policie nga ata të Amber. Po stresohem. Nuk e di nëse je kthyer, por unë kam nevojë për azil diku sepse mendoj se policët mund të jenë duke ardhur”, thuhet në dosje.
Avokatët e Heard pretenduan se Depp dhe Manson kanë konsumuar drogë së bashku, duke përfshirë edhe ditët para se Amber të mbërrinte në Australi dhe të dy u zunë. Sherr gjatë të cilit Johnny preu majën e gishtit. Regjistrimet përfshijnë gjithashtu një pasazh të gjatë të akuzave që avokatja e Heard, Elaine Bredehoft pretendon se ajo nuk ishte në gjendje të pyeste ish-agjenten e Depp, Tracey Jacobs, rreth faktit se Johnny gënjeu policinë e Los Angeles.
Në listën e “informacioneve relevante dhe të dëmshme” të përjashtuara në gjyq ishte se “Depp u shfaq në TV i dehur dhe i droguar, deri në atë pikë sa drejtuesit e studios Disney thirrën Jacobs duke e pyetur ‘Çfarë dreqin ka klienti juaj’”, thuhet në dokumente. Nuk është e qartë se cilës paraqitjeje po i referohej avokati në dosje. Ekipi i Heard pohoi gjithashtu se “Johnny u shfaq në këtë gjendje edhe gjatë xhirimeve të ‘Piratet e Karaibeve 5’ dhe Disney i tha Jacobs se sjellja nuk do të tolerohej”. Marrëdhënia e Depp me Disney luajti një rol të madh në gjyq, pasi avokatët e tij argumentuan se akuzat e Heard i kushtuan atij dhjetëra milionë në të ardhurat nga “Pirates”, ndërsa ekipi i Heard argumentoi se Disney e hoqi aktorin për shkak të sjelljes së tij.
Avokatët e aktorit thanë se ekipi i Heard po shfaqte prova të rreme , duke deklaruar se Bredehoft “mund të kishte vazhduar të merrte në pyetje Jacobs për tre orë të tjera, por zgjodhi të mos e bënte këtë”. Dokumentet tregojnë gjithashtu se si avokatët e Depp-it punuan për të përjashtuar dëshminë në lidhje me dosjen e arrestimit të aktorit dhe proceset gjyqësore të vazhdueshme për çështje të tjera, përfshirë një padi që e akuzonte atë për sulm. Avokatët e tij, të cilët ishin të suksesshëm në argumentin e tyre, thanë se “nuk do të shërbejë për asnjë qëllim tjetër veçse ta paragjykojë atë përpara jurisë” dhe se Heard do ta përdorte atë për të “prodhuar prova që portretizojnë Depp si një njeri të dhunshëm”.
Juria i dha Depp-it 10.35 milionë dollarë dëmshpërplime për pretendimet se Heard kishte gënjyer në artikullin e saj të 2018 në ‘”Washington Post” ku bënte akuza për abuzim në familje. Ajo u shpërblye me 2 milionë dollarë për pretendimet e saj se avokati i Depp bëri komente të rreme dhe të dëmshme për të.
NDIQE LIVE "PANORAMA TV" © Panoramaplus.al