Anita Lane, kantautorja australiane e njohur për bashkëpunimet me Nick Cave, ka ndërruar jetë në moshën 62-vjeçare.
Lajmin e konfirmoi një përfaqësuese e saj, por shkaqet ende nuk dihen, sipas “Rolling Stone”.
Cave bëri homazhe në mediat sociale, duke postuar në Twitter: “Nga ajo në përjetësi“, një lavdërim mbase i pashmangshëm, duke pasur parasysh që kënga që shkroi me këtë titull ishte më e famshmja.
Lane lindi në Melburn dhe ndoqi shkollën e artit, ndërsa filloi të dilte me Cave në vitet 1970. Dyshja më vonë u zhvendosën në Evropë së bashku dhe nisën bashkëpunimet, fillimisht për bandën e Cave, “Birthday Party” ku Lane shkroi një këngë për albumin e tyre debutues në 1981, “Prayers on Fire”.
Lane dhe Cave vazhduan të punojnë së bashku për këngët në albumin e dytë të “Birthday Party”, dhe ajo u bashkua me grupin e tij të ardhshëm, “Bad Seeds”.
Anita ka qenë po ashtu protagoniste edhe në disa filma të njohur si: “Berlin Now”, “Wings of Desire” dhe “The Road God Knows Where”.
NDIQE LIVE "PANORAMA TV" © Panoramaplus.al