Mariah Carey bëri një rrëfim të sinqertë rreth traumave të fëmijërisë që ka kaluar.
Këngëtarja me famë botërore foli hapur për jetën e saj personale duke pretenduar se motra e saj tentoi ta shiste tek një tutor prostitutash.
“Kur isha 12-vjeçe motra ime më drogoi me valium, më dha kokainë dhe u përpoq të më shiste tek një tutor prostitutash,”- rrëfeu 50-vjeçarja në librin e saj të ri “The Meaning of Mariah Carey”.
Teksa foli për marrëdhënien me motrën dhe vëllain më të madh, Morgan, ajo u shpreh: “Ne madje as nuk e njohim vërtet njëri-tjetrin. Unë u ndjeva si një e huaj në familjen time.”
Fituesja e Grammy pranoi se e motra dhe vëllai e kanë ‘sulmuar’ atë verbalisht për vite me radhë.
“Ne u rritëm me përvojën e të jetuarit me një baba me ngjyrë dhe nënë të bardhë. Për pjesën më të madhe të kohës unë jetoja me nënën time, ata mendonin se ishte e lehtë por në fakt nuk ishte kështu,”- tregoi ajo.
Ndërsa shtoi: “Gjithmonë kanë menduar se jeta ime ishte e lehtë dhe kërkonin të bëheshin të pasur shpejt.”
Nëna e dy binjakëve, Moroccan dhe Monroe, 9 vjeç, tha se marrëdhënia me nënën e saj vazhdon të jetë e tensionuar.
/Panoramaplus.al
