Balerina e njohur, Ledia Sulaj ka bërë një rrëfim të rrallë për karrierën dhe jetën e saj në emisionin “Pas Mesnate” ABC News. Ndër të tjerat ajo ka folur shumë e prekur edhe për gjyshin e saj të ndjerë, i cili i ka trashëguar dashurinë për baletin.
Ledia tregoi se në ditët e tij jo të mira, gjyshi i kishte kërkuar nënës së saj që me lekët e pensionit të bënin një recital për vajzën.
“Gjyshi e ka transmentuar dashurinë e baletit te mami në fillim, e cila ishte gjimnaste, më pas ajo te unë. Mbaj mend kur ishte në ditët e tij jo më të mira, i ka thënë mamit, që këtë pensionin tim, dua ta ruash që t’i bësh një recital vajzës. Edhe ka qene një moment shumë prekës, shumë i bukur, sepse më kishte merak, pasi ëndrrën që kishin të gjithë e shikonin pak të realizuar te unë. Kjo dashuria, kjo është familja e fortë, kjo është ajo që të bën të ndjehesh shumë ngrohtë, të vazhdosh të bësh ëndrrën tënde realitet dhe për të tjerët. Kështu që është një lidhje shumë e fortë. Unë dhe kur shkoja në Korçë, shkoja shumë prej gjyshit, edhe pse rrija pak se prapë stërvitesha, por ai më inkurajonte, më donte shumë, e vlerësoja shumë”, rrëfeu ajo.
Burimi /abcnews.al
NDIQE LIVE "PANORAMA TV" © Panoramaplus.al