Modelja dhe këngëtarja Kleoniki Delijorgji nuk i ka lënë aspak vend imagjinatës me pozat e postimet e fundit në llogarinë e saj në Instagram. Artistja ka realizuar një set fotografik në Shkretëtirën e Saharasë.
25-vjeçarja ka pozuar totalisht nudo, e shtrirë në rërë, teksa mundohet që pjesët intime t’i mbulojë me anë të duarve dhe pozicioneve të ndryshme të këmbëve. Barku i sheshtë dhe i tonifikuar bie menjëherë në sy, ndërsa flokët, modelja zgjodhi që t’i mbajë të lëshuara dhe të mos bënte grim.
“Duke zhveshur frikërat e mia, më lini lakuriq”, shkroi Kleoniki krahas imazheve.
Këngëtarja mori pëlqime e komente të shumta nga miqtë dhe fansat në Instagram, ku mundohet të jetë aktive çdo ditë.
Kleoniki i habiti të gjithë në fillim të këtij viti kur zbuloi se i ka dedikuar një këngë të dashurës së ish të dashurit të saj.
“Dashuria e vërtetë është diçka shumë e rrallë dhe jo të gjithë njerëzit e njohin atë lloj dashurie.
Shumica e njerëzve mendojnë që dashuria është që të ndjesh për një person, por jo dashuria e vërtetë pa kushte është që nuk të intereson nëse personi është me ty apo jo, por rëndësi ka që ai personi të jetë mirë.
Kjo është një dashuri që unë e kam ndjerë dhe jam shumë mirënjohëse. Jam shumë e lumtur tani për atë dhe të dashurën e tij.
Kënga ime tjetër në fakt quhet ‘Goddess like me’ domethënë ‘Perëndeshë si unë’ dhe e kam shkruar për të dashurën e atij,”- tha Kleoniki gjatë një interviste.
