Para disa kohësh, një nënë u qortua pasi deklaroi në një shfaqje televizive se kishte marrë rreth 12 mijë euro gjëra falas nga kompani të ndryshme, për shkak se djali i saj ishte një nga “influencuesit” më të vegjël të “Instagram”-it.
Por së fundmi ajo ka zbuluar se djali i saj 2-vjeçar, Ralfi, ka arritur që t’i bëjë asaj dhuratë një “Porsche”.
Ralfi i cili në profilin e tij në “Instagram” numëron rreth 20 mijë ndjekës, merr oferta nga marka të ndryshme që t’i reklamojë. Si shkëmbim i ofrojnë produktet e tyre falas.
Siç ka treguar e ëma e dyvjeçarit, bashkëpunimi më i fundit ka bërë që Ralfi të marrë një makinë “Porsche”.
Ndërkohë djali dhe familja e tij bëjnë foto për veshje, lodra, dhe makinën me të cilën lëvizin.
