26 Shtator, 2020

Industria e muzikës prej 8 muajsh “e ngrirë” nga COVID-19, Elton Deda: Mbase na konsiderojnë si pasanikë! Na denigruan me akte….


Prej tetë muajsh, koronavirusi ka dëmtuar rëndë edhe industrinë e muzikës, duke shtyrë apo anulluar shumë koncerte.

elton-deda

Së fundmi, Elton Deda ka treguar nëpërmjet një statusi në Facebook se sa pesimist është bërë për të ardhmen e muzikës, sepse nuk ka mbështetje nga shteti.

elton-deda

“Tashmë ne muzikantët në Shqipëri e Kosovë po hyjmë në muajin e 8 pa punuar. Një pjesë dërrmuese e jona, të ardhurat kryesore i kanë prej punës së lodhshme deri në orët e para të mëngjesit, në klube, bare e lounge të ndryshme.

Nuk punojmë dot, jo sepse jemi të paaftë, por sepse nuk lejohemi. Mbasi na kanë denigruar mirë e mirë me akte normative të bëra nga njerëz që thjesht nuk duan t’ja dinë për jetët e të tjerëve, mbasi na konsiderojnë pasanikë, ndërkohë që shumë prej nesh po shkojnë drejt falimentit financiar, edhe nuk na dëgjojnë e nuk na përfillin.

Nëse na mbyllën, duhet të mendoheshe një strategji kompensimi, minimumi që mund të bëjë një shtet te i cili ne paguajmë rregullisht taksa. Personalisht ndihem tepër pesimist, më tepër prej indiferencës sesa prej gropës që thellohet çdo ditë”,- ka shkruar ai.

Elton deda

eltondeda

NDIQE LIVE "PANORAMA TV"
© Panoramaplus.al