Balerini i njohur, Gerd Vaso shihet që ka rutinën e tij për të mbajtur fizikun në formë jashtë skenës së baletit.
Biçikleta duket se është aleatja e tij më e mirë për të ruajtur formën fizike, duke e përdorur në rutinën e tij në vend të përdorimit të makinës.
Paparazzi e ka fotografuar në një ditë të zakonshme duke parkuar biçikletën. Gerd Vaso dhe bashkëshortja e tij Enada Hoxha, janë ndër çiftet më të veçanta të showbizzit shqiptar.
Me elegancën që karakterizon çiftin profesionist të baletit shqiptar ata shpesh shfaqen partnerë në të njëjtën skenë, siç ishte rasti në skenën e programit “E Diela Shqiptare”, ku përveç rrëfimit të historisë së tyre familjare, interpretuan një pjesë baleti.
Ajo çfarë i dha një kuptim tjetër interpretimit të tyre ishtë djali i tyre i vetëm Roani, i cili ishte pjesë e këtij interpretimi. Me gjithë dëshirën e prindërve që djali të ecë në rrugën e tyre, në fakt Roani ka zgjedhur një tjetër profesion.
Ai do që në të ardhmen të jetë një futbollist, dhe që tani dy prindërit balerinë të suksesshëm e kanë fokusuar tek bota e futbollit.
