Pak ditë më parë, Adelina Ismaili deklaroi në emisionin e saj “Tetë a tetë me Adelinën” se Arif Vladi është paguar për këngën “Marshi i UÇK-së”.
Reagimi i këngëtari ishte i menjëhershëm, duke hedhur poshtë akuzat dhe duke i kërkuar Adelinës fakte ose ndryshe do ta hidhte në gjyq.
Më pas, Adelina publikoi në rrjete sociale se ky fakt është konfirmuar edhe nga Refik Hamiti, i cili pretendon se ka qenë sponsori.
Ndërkohë, Vladi ka reaguar sërish, duke e akuzuar Adelinën se çdo gjë po e bën për pak famë.
“Me sa duket i ka humb audienca dhe kërkon të gjejë emra me të cilët i kthehet vëmendja. Në kohën kur është bërë “Marshi i UÇK-së” unë përjetoja të tjera gjëra kurse Adelina argëtohej serbisht”, shkroi ai.
Por, Adelina nuk e ka lënë me kaq, pasi ka reaguar përmes një postimi në rrjete sociale, ku shkruan:
“Arif Vladi. A je paguar për “Marshin e UÇK” apo jo? Kjo është pyetja. Sepse dolën dëshmitarë që konfirmojnë se je paguar. Çka dëgjoj unë, është punë e imja. Fol, a je paguar.”
NDIQE LIVE "PANORAMA TV" © Panoramaplus.al