Më 1 tetor, blogerja e njohur italiane, Chiara Ferragni dha lajmin e bukur se do të bëhet nënë për herë të dytë.
Ajo publikoi foton e djalit, Leo-s, i cili mbante në dorë ekon e vajzës që pritet të vijë në jetë, si dhe videon kur kishte mësuar vetë se ishte shtatzënë.
Së fundmi, Chiara ka ndarë në Instagram një foto shumë emocionuese. Modelja ka postuar ekon e vajzës në barkun e saj.
“Përshëndetje, vogëlushja ime”,- shkroi ajo krahas fotos, ku komentet kanë qenë të shumta.
Raportohet se bebushja do të vijë në jetë në muajin mars, pikërisht në muajin kur ka lindur edhe Leo.
Chiara dhe Fedez u lidhën në vitin 2016 dhe një vit më pas Fedez i bëri propozimin romantik.
Ndërsa në mars të vitit 2018, lindi Leo dhe ata u bënë prindër për herë të parë.
NDIQE LIVE "PANORAMA TV" © Panoramaplus.al