Pas akuzave të forta të Kryeministrit Rama nga salla e Parlamentit, kreu i shtetit ka paralajmëruar një konferencë të jashtëzakonshme për mediat.
Me anë të zëdhënësit, Tedi Blushi kreu i shteti ka bërë të ditur se në orën 14:00 do të dalë para mediave për të mbajtur një qëndrim zytar.
“Presidenti i Republikës Sh.T.Z Ilir Meta në ora 14:00 në konferencë të jashtëzakonshme për shtyp!”, thekson zëdhënësi i Presidentit.
Më herët, Ilir Meta ka dhënë një mesazh të fortë, duke folur për një paralajmërim te fundit.
“Pavarësisht nga deformimet e pandershme që janë bërë në pabesi ndaj vullnetit të popullit shqiptar gjatë këtyre 21 viteve kam një paralajmërim të fundit për gjithë ata që mendojne se betimi i Ilir Metës me doren mbi Kushtetute ka qenë një proces formal apo ceremonial.
Nuk ka institucion më të rëndësishëm në republiken e Shqiperise se sa Kushtetuta e Rebublikes se Shqiperise e cila ka vetëm një garant të padiskutueshëm e pacënueshëm në integritetin e vet, qe është Gjykata Kushtetuese”, tha ai.
FJALA E KREUT TE SHTETIT
Pavarësisht nga deformimet e pandershme që janë bërë në pabesi ndaj vullnetit të popullit shqiptar gjatë këtyre 21 viteve kam një paralajmërim të fundit për gjithë ata që mendojne se betimi i Ilir Metës me doren mbi Kushtetute ka qenë një proces formal apo ceremonial.
Nuk ka institucion më të rëndësishëm në republiken e Shqiperise se sa Kushtetuta e Rebublikes se Shqiperise e cila ka vetëm një garant të padiskutueshëm e pacënueshëm në integritetin e vet, qe është Gjykata Kushtetuese.
Përpjekjet për të dhunaur Kushtetuten në përpjekje për të kapur përfundimisht gjithë sistemin e drejtësisë me kapjen e GJK janë të dështuara, jane të vdekura.
Askush të mos guxojë të përdhosë GJK, është institucioni më i rëndësishë.
Parlamenti me një dekret shpërndahet, qeveria me një mocion rrezohet, presidenti përsëri shkarkohet por jo GJK.
Nëse dikush mendon se angazhimet e mia kanë qenë ceremoniale duhet ti bëj të qartë se në fund fare kjo është kuhtetutë që mbron popullin dhe do jetë detyra e presidentit që ti tregojë vendin kësaj bande uzurpatore”.
PYETJE: Po paralajmëroni për shpërndarjen e parlamentit?
Presidenti: Jam i qartë, secili të shikojë detyren e vet detyra do jetë e presidentit
dhe në momentin e duhur presidenti do i drejtohet popullit dhe gjithe botës per të mbrojtur demokracinë që është dhunuar në mënyrë barbare sidomos në këto dy vite që u la pa GJK vendi.
