Një tjetër shtëpi bari është zbuluar pas kontrolleve në qytetin e Sarandës.
Operacioni u krye sot (19 janar) në lagjen nr. 2, në kryqëzimin e rrugëve “Adem Sheme” dhe “Pandeli Boçari”.
Një apartament në një pallat disakatësh rezultoi pas kontrollit se ishte përshtatur për kultivimin e brendshëm të bimëve narkotike.
Policia dyshon se pas aktivitetit të paligjshëm fshihet i njëjti grup që ka lidhje edhe me një tjetër “shtëpi bari” të zbuluar mbrëmjen e 10 janarit në lagjen nr.1, në rrugën “Butrinti”, ku u arrestua një person dhe një tjetër u shpall në kërkim.
© Panorama.al
